දෙමළ ඊලාම් බෙදුම්වාදීන්ටත් දකුණු ඉන්දියාවටත් මුහුණ දෙන්නේ මෙහෙමයි-Guerrilla marketing by රාජ්

දෙමළ ඊලාම්වාදීන්ටත් ගෝලීය දෙමළ ඩයස්පෝරාවටත් ඒ විතරක් නෙවේ අපිට අංචි අදින ඉන්දියාවේ ජයලලිතා, කරුණානිධි, වයිකෝ සහ පැන්ෂන් ගිය නළුනිලියන් සෙට් එකටත් උණ ගැනෙන වැඩපිලිවෙලක් ඉදිරිපත් කරන්නයි මේ හදන්නෙ. ඉන්දියාව අපේ ලොකු අයිය උනාට, ලංකාව ඉන්දියාවෙ චුටි නංගි උනාට අයිය නංගිව අඬවන එකමනෙ වැඩේ. මේ කේස්එක අතීතයේ ඉඳල තියන එකක්. ඉන්දියාව ලංකාවට කිට්ටුවෙන් තිබීම තමයි මේ කේස් එකට මූලික හේතුව. අන්න ඒකට තමයි මේ වැඩපිලිවෙල. හේතු ප්‍රත්‍යටම විසඳුම දුන්නම හරි.

කරන්නෙ මේකයි. ලංකාව ඉන්දියාවෙන් ඈතට ගෙනියන එක. පුදුම වෙන්න එපා මේක කරන්න පුළුවන් දෙයක්. මෙන්න මේ සිතියමේ තියන විදියට මම ලකුණු කරල තියන ස්තානයට ලංකාව ගෙනිහින් තිව්වනං එච්චරයි. රතුපාට කරල තියන තැන මදි නං කොලපාට කරල තියන තැනට ගෙනියනව. ඒක කරන්න ක්‍රම දෙකක් තියනව.

පලමු ක්‍රමය-පාවීමේ ක්‍රමය.

කරන්නෙ ලංකාව ඒ හැඩයටම තියෙද්දි උතුර පැත්තෙන් පස් කපල දකුණ ගොඩකරන එකයි. ටික ටික කරනකොට ඉබේම ලංකාව පාතට වෙනව. මෙන්න මේ පිංතූර තියන විදියට කලාම හරි. තේරුම්ගන්න පුළුවන් නේද?

මේ විදියට ලංකාව ටිකක් පහලට ගත්තොත් වාසි කිහිපයකුත් තියනව.
$ නැව් මාර්ගයක් ආසන්නයට ගත්තොත් ඒකම ඇති හම්බන්තොටට නැව් සිය ගානක් ගෙන්නගන්න.
$ මහාද්වීපයට දුර නිසා මුහුදෙ ගැඹුර වැඩියි. ඒ නිසා ගල් තිබුන කියල නැව් වලට බාධාවක් ඇතිවෙන්නෙත් නෑ.
$ වැඩිපුර මාළු අල්ලගන්න ධීවරයන්ට පුළුවන්.
$ සමකයෙන් ටිකක් පහලට ගෙනගියොත් දැං තියන රස්නෙත් අඩු වෙයි.
$ නගර නිර්මාණය-පාරවල් නිවැරදිව අලුතෙන් කරන්න පුළුවන්.
$ ඕනනං යුරෝපය හරි ඇමරිකාව පැත්තට හරි කිට්ටු වෙන්න පුළුවන්.
$ [අර කට්ටිය කැමති නං] තෙල් තියන මැද පෙරදිගට උනත් යන්න පුළුවන්.

තේරෙනව නේද තියන වාසි. ජයලලිතලට හුලං තමයි ඊට පස්සෙ!

දෙවනි ක්‍රමේ තමයි උඩුකුරුඥ්ඥං ක්‍රමය.

මේකෙත් සංකල්පය අරකම තමයි. වෙනස තියෙන්නෙ ලංකාව අලුතෙන් හදන්නෙ උඩු යටිකුරු කරල වීම. මෙන්න මේ විදියට

මගේ නං යෝජනාව මේ ක්‍රමේට මොකද ලෝකෙ අනිත් හැම රටක්ම යට පැත්තට උල්වෙලා ඉද්දි අපි විතරක් ඇයි උඩ පැත්තට උල්කරගෙන ඉන්නෙ.