තිස්ස තිස්ස තිස්..........ස අයියෝ තිස්ස!

අනේ දෙවියනේ මට වුන වියෝයා
ගිලෙන නැවට පනින්න හිත ගියෝයා
හොර අස්සං ගහල ඇතුලට ගියෝයා
එලියට ගත් එකෙක් මගෙ සුමි‍තුරෝයා

මිනිස්ටරියෙ කෑම සුවඳ පැතිරෙනවා
කරගන්නට බැරිවූ දේ සිහි වෙනවා
සියක් වාරයක් මැරි මැරි උපදිනවා
තිබහට වතුර වෙනුවට කඳුලැලි බොනවා

අම්බානට පැරදුනු කල අපෙ පක්සේ
මාධ්‍යට කිව්ව ගොහිල්ල මයික් අස්සේ
වැරදීමෙන් පැන්නත් ඡන්දේ අස්සේ
මං අමතකද උඹලා රජවූ පස්සේ

මල්ලියෙ නරක මිතුරන් පිලිගන්න එපා
නංගියෙ මැද මුලන පැත්තේ යන්න එපා
මේසේ උඩ තියන ලිපි අර ගන්න එපා
ගත්තත් මාධ්‍යට නං පෙන්නන්න එපා

යෑමෙන් හොඳ කටඇර ඇතුලට යෑම
දීමෙන් හොඳ දීම රජාට #ක දීම
බීමෙන් හොඳ බීම රජ සුළු දිය බීම
කෑමෙන් හොඳ කෑම ඉල්ලාගෙන කෑම

හීන් හඬින් කිව් තිස්සගෙ කවි අහලා
මාත් කියන්නං කයිපද ගලපාලා
‍දෙන්නං උපදෙසක් හිතලා බලලා
තරහා නැතුව අහගෙන ඉන්නකො ඔහෙලා

රෑ ‍මැරෙන්න ඉන්නා එළුවගෙ බෙල්ල
උදේ කපල පව් අරගත්තා වාගේ
තිස්ස මැතිඳු පැන එල්ලුනි සාටකයේ
සාටකේ ගිලුනි තිස්සත් එක්ක මඩේ

ආවා උනත් කොකාට සිය දහස් වරක්
එනවලු තිත්තයාටත් වාරයක් දෙකක්
පනින්නට කලින් හිතුවොත් තවත් වරක්
වෙන්නේ නැහැ ඔබහට නං මෙවන් දුකක්